سندھ کابینہ نے سالانہ ماہی گیری پابندی میں 15 روز کی نرمی کی منظوری دے دی ہے۔ترجمان وزیراعلیٰ سندھ کے مطابق کابینہ اجلاس میں محکمہ لائیو اسٹاک و فشریز کی سمری منظور کرتے ہوئے فیصلہ کیا گیا کہ یکم جون سے 15 جون 2026 تک ماہی گیری کی اجازت ہوگی۔
اجلاس میں بریفنگ کے دوران بتایا گیا کہ سالانہ ماہی گیری پابندی یکم جون سے 31 جولائی تک نافذ ہوتی ہے تاہم آبی حیات کے تحفظ کو مدنظر رکھتے ہوئے موسمی پابندی برقرار رکھی جائے گی۔
وزیراعلیٰ سندھ مراد علی شاہ نے کہا کہ ماہی گیر برادری کے مطالبات پر 15 روزہ نرمی دینے کا فیصلہ کیا گیا ہے۔
اعلامیے کے مطابق 15 جون کے بعد ماہی گیری پر مکمل پابندی دوبارہ نافذ العمل ہوگی۔ واضح رہے کہ مچھلی اور جھینگوں کی افزائش نسل کے باعث ہر سال جون اور جولائی میں ماہی گیری پر پابندی عائد کی جاتی ہے۔