ملک بھر میں آج عیدالاضحیٰ مذہبی عقیدت، جوش و جذبے کے ساتھ منائی جا رہی ہے اور مسلمان سنتِ ابراہیمیؑ کی پیروی کرتے ہوئے جانوروں کی قربانی پیش کر رہے ہیں۔
کراچی سمیت ملک کے چھوٹے بڑے شہروں میں نماز عید کے ہزاروں اجتماعات منعقد ہوئے جہاں امت مسلمہ، پاکستان کی سلامتی، ترقی اور خوشحالی کے لیے خصوصی دعائیں مانگی گئیں۔
نماز عید کی ادائیگی کے بعد سنت ابراہیمیؑ کی پیروی میں جانوروں کی قربانی کا سلسلہ بھی شروع ہو گیا، جبکہ گھروں، مساجد اور مختلف مقامات پر اجتماعی قربانیوں کا اہتمام کیا جا رہا ہے۔
دوسری جانب سعودی عرب، متحدہ عرب امارات اور دیگر خلیجی ممالک میں بھی آج عیدالاضحیٰ مذہبی عقیدت و احترام کے ساتھ منائی جا رہی ہے۔