سعودی محکمہ شماریات نے اعلان کیا ہے کہ رواں سال مجموعی طور پر 17 لاکھ 7 ہزار 301 افراد نے فریضہ حج ادا کیا۔
ایکس پر جاری بیان کے مطابق 15 لاکھ 46 ہزار 655 حجاج بیرون ملک سے آئے، جن کا تعلق دنیا کے 165 مختلف ممالک سے تھا، جبکہ ایک لاکھ 60 ہزار 646 مقامی حجاج میں سعودی شہری اور مملکت میں مقیم غیر ملکی شامل تھے۔
سعودی حکام کے مطابق مرد حجاج کی تعداد 8 لاکھ 93 ہزار 396 جبکہ خواتین حجاج کی تعداد 8 لاکھ 13 ہزار 905 رہی۔
اعداد و شمار کے مطابق بیرون ملک سے آنے والے حجاج میں سے 14 لاکھ 85 ہزار 729 فضائی سفر کے ذریعے سعودی عرب پہنچے، جبکہ 54 ہزار 429 حجاج زمینی راستے اور 6 ہزار 497 بحری راستے سے مملکت میں داخل ہوئے۔
واضح رہے کہ گزشتہ سال 16 لاکھ 73 ہزار 230 افراد نے فریضہ حج ادا کیا تھا۔