صدر مملکت آصف علی زرداری نے کہا ہے کہ تمام سیاسی قوتیں اور ادارے مل کر ملک کو مضبوط بنائیں گے اور اسٹیبلشمنٹ کے ہاتھ مضبوط کریں گے۔
مورو میں کارکنوں سے خطاب کرتے ہوئے صدر زرداری نے کہا کہ پاکستان کی دفاعی حکمت عملی خطے میں امن و استحکام کی ضامن ہے۔ انہوں نے کہا کہ بھارت کو ایک ہفتے کی جنگ میں مؤثر جواب دے کر سبق سکھایا گیا، اور جب بھارتی طیارے گرائے گئے تو انہیں اپنی حقیقت کا اندازہ ہوگیا۔
صدر مملکت نے کہا کہ بھارت میں مسلمانوں کے ساتھ ہونے والے مظالم کو عالمی میڈیا میں مناسب جگہ نہیں دی جاتی، جبکہ بھارتی حکومت سوچنے اور سمجھنے کی صلاحیت کھو چکی ہے۔
آصف علی زرداری نے اس عزم کا اعادہ کیا کہ ملک کی مضبوطی، قومی سلامتی اور استحکام کے لیے تمام ادارے مل کر کام کریں گے۔