پنجاب اور سندھ کے بیشتر میدانی علاقے شدید گرمی کی لپیٹ میں ہیں جبکہ یہ لہر اتوار تک جاری رہنے کا امکان ہے۔
محکمہ موسمیات کے مطابق گزشتہ روز ملک کے جنوبی حصوں میں شدید گرمی ریکارڈ کی گئی جہاں دادو اور جیکب آباد میں درجہ حرارت 51 ڈگری سینٹی گریڈ تک پہنچ گیا۔
اسی طرح سبی، تربت، شہید بینظیر آباد، لاڑکانہ اور موہن جو دڑو میں 50 ڈگری، خیر پور اور سکرنڈ میں 49 ڈگری جبکہ ڈیرہ غازی خان میں 47 ڈگری سینٹی گریڈ ریکارڈ کیا گیا۔
محکمہ موسمیات کے مطابق کراچی میں آج درجہ حرارت 38 ڈگری سینٹی گریڈ تک پہنچنے کا امکان ہے۔