پاکستان نے آسٹریلیا کے خلاف تین میچوں کی سیریز کے پہلے ون ڈے میں ٹاس جیت کر پہلے بولنگ کرنے کا فیصلہ کیا ہے۔
قومی ٹیم کی قیادت شاہین شاہ آفریدی کر رہے ہیں، جبکہ ٹیم میں بابر اعظم، سلمان علی آغا، شاداب خان، حارث رؤف اور ابرار احمد سمیت دیگر کھلاڑی شامل ہیں۔ نوجوان آل راؤنڈر عرفات منہاس اس میچ میں ون ڈے ڈیبیو کر رہے ہیں۔
یہ میچ پاکستان کرکٹ کی تاریخ کا 1000واں ون ڈے انٹرنیشنل بھی ہے، جس کے باعث مقابلے کو خصوصی اہمیت حاصل ہے۔
ٹاس کے موقع پر شاہین آفریدی نے کہا کہ پاکستان کے لیے ہزارویں ون ڈے میچ میں کپتانی کرنا ان کے لیے اعزاز کی بات ہے اور ٹیم اس تاریخی موقع پر بہترین کارکردگی دکھانے کی کوشش کرے گی۔