گلگت بلتستان کے مشہور سیاحتی مقام فیری میڈو جانے والی سیاحوں کی گاڑی حادثے کا شکار ہوگئی جس کے نتیجے میں 7 افراد جاں بحق ہو گئے۔
ریسکیو حکام کے مطابق حادثے میں جاں بحق ہونے والے ڈرائیور کی شناخت ضیا اللہ، ساکن داریل دیامر کے نام سے ہوئی ہے جبکہ دو سیاحوں کی شناخت علی اور سجاد کے ناموں سے کی گئی ہے۔
حکام کا کہنا ہے کہ جاں بحق ہونے والے دیگر 4 سیاحوں کا تعلق پنجاب سے ہے جن کی شناخت کا عمل جاری ہے۔
ریسکیو ٹیموں نے جائے حادثہ پر پہنچ کر امدادی کارروائیاں مکمل کر لیں جبکہ حادثے کی وجوہات جاننے کے لیے تحقیقات کا آغاز کر دیا گیا ہے۔