چلاس میں انتخابی جلسے سے خطاب کرتے ہوئے بلاول بھٹو زرداری نے کہا ہے کہ پاکستان پیپلز پارٹی گلگت بلتستان کے عوام کو اٹھارویں آئینی ترمیم کے تحت حقوق دلانے کے لیے بھرپور کردار ادا کرے گی۔
انہوں نے کہا کہ مستحق خاندانوں کی مزید معاونت کے لیے بینظیر انکم سپورٹ پروگرام کے بجٹ میں اضافہ کیا جائے گا تاکہ زیادہ سے زیادہ ضرورت مند افراد کو سہولت فراہم کی جاسکے۔
بلاول بھٹو زرداری نے کہا کہ پاک چین اقتصادی راہداری (سی پیک) نے پاکستان میں اقتصادی ترقی اور خوشحالی کی نئی راہیں کھولی ہیں اور اس منصوبے سے ملک کے مختلف علاقوں میں ترقی کے مواقع پیدا ہوئے ہیں۔
انہوں نے کہا کہ صوبوں میں ہونے والی ترقی اور اختیارات کی منتقلی میں صدر آصف علی زرداری کی کاوشوں کا اہم کردار رہا ہے، جن کی پالیسیوں کے باعث وفاقی اکائیوں کو مزید بااختیار بنایا گیا۔