حکومتِ آزاد جموں و کشمیر نے 9 جون کو دی گئی احتجاجی کال کے پیش نظر سیاحوں کے لیے سفری ایڈوائزری جاری کردی ہے۔
جاری کردہ ہدایت نامے کے مطابق سیاحوں سے کہا گیا ہے کہ وہ 5 جون سے 20 جون تک آزاد کشمیر کا سفر کرنے یا خطے میں داخل ہونے سے گریز کریں تاکہ ممکنہ مشکلات اور سفری رکاوٹوں سے بچا جاسکے۔
حکومت نے آزاد کشمیر میں سیاحت، کاروبار یا دیگر مقاصد کے لیے موجود افراد سے بھی اپیل کی ہے کہ وہ 5 جون کی شام تک خطے کی حدود سے باہر چلے جائیں، تاکہ احتجاجی سرگرمیوں کے دوران انہیں کسی قسم کی دشواری یا پریشانی کا سامنا نہ کرنا پڑے۔
حکام کے مطابق ایڈوائزری کا مقصد عوام اور سیاحوں کی سہولت اور حفاظت کو یقینی بنانا ہے، جبکہ صورتحال پر مسلسل نظر رکھی جا رہی ہے۔