وزیر مملکت برائے داخلہ طلال چوہدری نے کہا ہے کہ راولاکوٹ اور دیگر مقامات پر صورتحال مکمل طور پر کنٹرول میں ہے اور آزاد کشمیر میں حالات نارمل ہیں۔
انہوں نے کہا کہ شہریوں کی جان و مال کے تحفظ کے لیے تمام ضروری اقدامات کیے جا رہے ہیں اور ریاستی ادارے امن و امان کی صورتحال برقرار رکھنے کے لیے متحرک ہیں۔
طلال چوہدری کے مطابق ایک کالعدم تنظیم بےنقاب ہو رہی ہے، جبکہ گزشتہ روز سامنے آنے والی ایک آڈیو بھی اس صورتحال کی عکاسی کرتی ہے۔ انہوں نے کہا کہ مطالبات پر عملدرآمد کے باوجود پیش آنے والے واقعات اس بات کی نشاندہی کرتے ہیں کہ بعض عناصر کے مقاصد کچھ اور ہیں۔
انہوں نے مزید کہا کہ حکومت صورتحال پر کڑی نظر رکھے ہوئے ہے اور کسی بھی شرپسندی یا قانون شکنی کی اجازت نہیں دی جائے گی۔