محکمہ موسمیات نے آئندہ دنوں کے دوران ملک کے بیشتر علاقوں میں موسم گرم اور خشک رہنے کی پیشگوئی کرتے ہوئے شدید گرمی کی لہر برقرار رہنے کا امکان ظاہر کیا ہے۔
محکمہ موسمیات کے مطابق پنجاب، سندھ، بلوچستان اور خیبرپختونخوا کے بیشتر علاقوں میں درجہ حرارت معمول سے کئی ڈگری زیادہ رہ سکتا ہے جبکہ سندھ اور بلوچستان کے بعض اضلاع میں درجہ حرارت معمول سے 6 ڈگری سینٹی گریڈ تک بڑھنے کا امکان ہے۔
اسلام آباد اور گردونواح میں بھی شدید گرمی کی توقع ہے تاہم خیبرپختونخوا کے کوہستان اور مالاکنڈ کے چند مقامات پر بارش ہو سکتی ہے۔ محکمہ موسمیات نے شہریوں کو دھوپ میں غیر ضروری نقل و حرکت سے گریز اور احتیاطی تدابیر اختیار کرنے کی ہدایت کی ہے۔