پاکستان ایئرپورٹس اتھارٹی نے تکنیکی خرابی کے باعث گوادر ایئرپورٹ کے ریڈیو نیویگیشن نظام (DVOR) کو عارضی طور پر 16 جون تک معطل کردیا ہے۔
اس حوالے سے جاری کیے گئے نوٹم کے ذریعے فضائی عملے کو آگاہ کر دیا گیا ہے کہ نیویگیشن کی یہ اہم سہولت آئندہ چند روز تک دستیاب نہیں ہوگی، جس کے باعث پروازوں کی رہنمائی کے لیے متبادل طریقہ کار استعمال کیا جائے گا۔
حکام کے مطابق تکنیکی خرابی دور کرنے کے لیے متعلقہ ماہرین کی جانب سے مرمتی کام تیزی سے جاری ہے تاکہ نظام کو جلد از جلد بحال کیا جاسکے۔
پاکستان ایئرپورٹس اتھارٹی کا کہنا ہے کہ نیویگیشن سسٹم کی بحالی تک گوادر ایئرپورٹ پر فضائی آپریشنز متبادل انتظامات کے تحت محفوظ انداز میں جاری رہیں گے اور پروازوں کی آمد و رفت کو یقینی بنانے کے لیے تمام ضروری اقدامات کیے جا رہے ہیں۔