دفتر خارجہ کے ترجمان طاہر حسین اندرابی نے ہفتہ وار میڈیا بریفنگ کے دوران بھارت کی جانب سے آزاد جموں و کشمیر (اے جے کے) سے متعلق بیان کو مسترد کردیا ہے۔
ترجمان نے کہا کہ بھارت کے الزامات بے بنیاد ہیں اور ان کا زمینی حقائق سے کوئی تعلق نہیں۔ انہوں نے مؤقف اختیار کیا کہ بھارت مقبوضہ وادی میں کشمیریوں کے خلاف مبینہ طور پر مظالم کا سلسلہ جاری رکھے ہوئے ہے۔
دفتر خارجہ کے مطابق پاکستان نے ایک بار پھر مسئلہ کشمیر کو اقوام متحدہ کی قراردادوں اور کشمیری عوام کی خواہشات کے مطابق حل کرنے پر زور دیا ہے۔
ترجمان نے کہا کہ خطے میں پائیدار امن کے لیے ضروری ہے کہ تمام فریقین ذمہ دارانہ رویہ اختیار کریں اور اشتعال انگیز بیانات سے گریز کیا جائے۔