وزیر دفاع خواجہ آصف نے کہا ہے کہ آزاد کشمیر کے بعض عناصر کسی مخصوص ایجنڈے کے تحت سرگرم ہیں اور ان کے اقدامات قابل تشویش ہیں۔
سوشل میڈیا پلیٹ فارم ایکس پر اپنے بیان میں انہوں نے کہا کہ آزاد کشمیر کے کچھ بہکے ہوئے بھائی کسی ایجنڈے پر عمل پیرا ہیں، جنہیں ملک کے آئین کا مطالعہ کرنا چاہیے۔
خواجہ آصف کے مطابق آئین پاکستان کا آرٹیکل 5 ہر شہری سے ریاست کے ساتھ غیر متزلزل وفاداری کا تقاضا کرتا ہے، جس پر ہر حال میں عمل ضروری ہے۔
انہوں نے مزید کہا کہ بات چیت اور مکالمے کا آغاز ریاست سے وفاداری اور مکمل آئینی اطاعت سے ہوتا ہے، جس کے بغیر کسی بھی معاملے میں پیش رفت ممکن نہیں۔