اسلام آباد ہائی کورٹ نے پی ٹی آئی کے بانی چیئرمین عمران خان اور ان کی اہلیہ بشریٰ بی بی کو اڈیالہ جیل میں مبینہ طور پر قیدِ تنہائی میں رکھنے کے خلاف دائر درخواستوں کو سماعت کے لیے مقرر کردیا ہے۔
جسٹس خادم حسین سومرو پیر 29 جون کو علیمہ خان اور مبشرہ بی بی کی جانب سے دائر کی گئی الگ الگ درخواستوں کی سماعت کریں گے، جن میں مؤقف اختیار کیا گیا ہے کہ دونوں قیدیوں کو قیدِ تنہائی میں نہ رکھا جائے۔
اسلام آباد ہائی کورٹ کے رجسٹرار آفس کی جانب سے نئے ہفتے کی کاز لسٹ جاری کر دی گئی ہے، جس کے مطابق یہ درخواستیں پیر کے روز سماعت کے لیے مقرر ہیں۔
کاز لسٹ میں درج ہے کہ جسٹس خادم حسین سومرو عمران خان اور بشریٰ بی بی کو مبینہ طور پر قیدِ تنہائی میں رکھنے سے متعلق درخواستوں کی سماعت کریں گے۔