اقوام متحدہ کی عالمی موسمیاتی ایجنسی نے خبردار کیا ہے کہ آئندہ چند ماہ کے دوران طاقتور ایل نینو سسٹم کے فعال ہونے سے دنیا بھر میں درجہ حرارت میں مزید اضافہ متوقع ہے، جبکہ اس کے اثرات 2027 تک مختلف خطوں میں محسوس کیے جا سکتے ہیں۔
ادھر یورپ میں حالیہ دو شدید ہیٹ ویوز کے باعث فرانس، بیلجیئم اور نیدرلینڈز میں 3 ہزار 700 سے زائد افراد جان کی بازی ہار چکے ہیں۔ فرانس میں 2 ہزار 25، بیلجیئم میں ایک ہزار 200 اور نیدرلینڈز میں 480 اموات ریکارڈ کی گئی ہیں، جبکہ اسپین میں بھی شدید گرمی کے باعث سینکڑوں افراد ہلاک ہوئے ہیں۔ حکام نے اموات میں مزید اضافے کا خدشہ ظاہر کیا ہے۔