معروف اداکار آغا علی نے کہا ہے کہ اب انہیں شادی کی تقریبات میں جانا اچھا نہیں لگتا کیونکہ وہاں کا ماحول انہیں اپنی طلاق اور ماضی کی یاد دلا دیتا ہے۔
نجی ٹی وی کے مارننگ شو میں گفتگو کرتے ہوئے آغا علی نے کہا کہ شادیوں کی خوشیاں اور رسومات انہیں جذباتی کر دیتی ہیں، اسی لیے اب وہ ایسی تقریبات میں شرکت سے گریز کرتے ہیں۔ ان کا کہنا تھا، اب مجھے شادیوں میں جانے کا کوئی شوق نہیں رہا، وہاں جا کر اپنی طلاق یاد آ جاتی ہے اور دل اداس ہو جاتا ہے۔
واضح رہے کہ آغا علی نے 2020 میں اداکارہ حنا الطاف سے شادی کی تھی، تاہم بعد ازاں دونوں کے درمیان علیحدگی ہو گئی، جس کی تصدیق خود آغا علی نے کی تھی۔