امریکی صدر ڈونلڈ ٹرمپ نے آیت اللہ علی خامنہ ای کے جنازے میں ایرانی عوام کی بڑی تعداد اور ان کے جذباتی اظہار پر حیرت کا اظہار کیا ہے۔
امریکی نیوز ویب سائٹ ایکسیوس کے صحافی سے گفتگو کرتے ہوئے ڈونلڈ ٹرمپ نے کہا کہ انہیں یہ دیکھ کر حیرت ہوئی کہ لوگ آیت اللہ خامنہ ای کے لیے رو رہے تھے، کیونکہ ان کا خیال تھا کہ ایرانی عوام ان سے نفرت کرتے ہیں۔ انہوں نے یہ بھی کہا کہ ممکن ہے یہ آنسو حقیقی نہ ہوں اور محض دکھاوے کے لیے بہائے جا رہے ہوں۔
امریکی صدر نے مزید کہا کہ امریکا اگر چاہے تو اس موقع پر جمع ایرانی قیادت کو ایک ہی کارروائی میں نشانہ بنا سکتا ہے، تاہم ایسا نہیں کیا جائے گا کیونکہ اس صورت میں مذاکرات کے لیے کوئی فریق باقی نہیں رہے گا۔
ڈونلڈ ٹرمپ کے ان بیانات پر تاحال ایرانی حکام کی جانب سے کوئی باضابطہ ردعمل سامنے نہیں آیا ہے۔