امریکا کی ریاست فلوریڈا سے تعلق رکھنے والی معروف ٹک ٹاکر اور سوشل میڈیا انفلوئنسر بریانا جانسن فائرنگ کے واقعے میں ہلاک ہو گئیں۔
پولیس کے مطابق 21 سالہ بریانا جانسن اپنی لمبر گنی گاڑی میں دو دیگر افراد کے ہمراہ سفر کر رہی تھیں کہ نامعلوم حملہ آوروں نے ان کی گاڑی پر فائرنگ کر دی۔ فائرنگ کے بعد گاڑی بے قابو ہو کر ایک رہائشی مکان سے جا ٹکرائی جس کے نتیجے میں بریانا موقع پر ہی جان کی بازی ہار گئیں جبکہ دو افراد زخمی ہوگئے۔
پولیس نے واقعے کو ٹارگٹڈ حملہ قرار دیتے ہوئے تحقیقات شروع کر دی ہیں۔ ابتدائی اطلاعات کے مطابق فائرنگ سے قبل ایک گیس اسٹیشن پر جھگڑے کی اطلاعات بھی سامنے آئی ہیں جبکہ حملہ آوروں کی تلاش جاری ہے۔