بشریٰ انصاری پاکستان کی معروف اور ہمہ جہت ٹی وی فنکارہ ہیں، جو اداکاری، میزبانی، مزاح، تحریر اور گلوکاری سمیت مختلف شعبوں میں اپنی صلاحیتوں کا لوہا منوا چکی ہیں۔ ان کے نمایاں ڈراموں میں آنگن ٹیڑھا، بادلوں پر بسیرا، بلقیس کور، اُداری، بارات سیریز، پردیس، تیرے بن، کبھی میں کبھی تم اور ویری فلمی شامل ہیں۔ وہ اس وقت جیو ٹی وی کے مقبول ڈرامے شیدائی میں اپنی بہترین اداکاری کے باعث تعریفیں سمیٹ رہی ہیں۔
بشریٰ انصاری سوشل اور ڈیجیٹل میڈیا پر بھی کافی متحرک رہتی ہیں اور اپنی زندگی سے متعلق اپ ڈیٹس مداحوں کے ساتھ شیئر کرتی رہتی ہیں۔ چند روز قبل انہوں نے بتایا تھا کہ انہوں نے چہرے کو تازہ اور قدرتی انداز میں بہتر بنانے کے لیے چند ایستھیٹک پروسیجرز کروائے ہیں۔
اب بشریٰ انصاری ایک بار پھر اپنی ایستھیٹیشن ڈاکٹر آمنہ کے اسکن کلینک پہنچیں، جہاں انہوں نے مزید اینٹی ایجنگ ٹریٹمنٹس کروائے۔ ان پروسیجرز کا مقصد آنکھوں کے نیچے سیاہ حلقوں، ڈبل چن اور بالوں کے پتلے ہونے کے مسئلے کو کم کرنا تھا۔
ڈاکٹر آمنہ نے بشریٰ انصاری کی گردن پر اینڈولفٹ ٹریٹمنٹ کیا، جس کا مقصد ڈبل چن اور جلد کے ڈھیلے پن کو بہتر بنانا تھا۔ انہوں نے اسکلپٹرا پی ایل ایل اے ٹریٹمنٹ بھی کروایا۔ ڈاکٹر آمنہ کے مطابق ان دونوں ٹریٹمنٹس کے نتائج بتدریج سامنے آتے ہیں اور تقریباً چھ ماہ بعد واضح ہونا شروع ہوتے ہیں۔
ڈاکٹر آمنہ کا کہنا تھا کہ اسکلپٹرا پی ایل ایل اے اور اینڈولفٹ چہرے اور گردن کو قدرتی انداز میں لفٹ دینے میں مدد دیتے ہیں، جبکہ بعض دیگر کاسمیٹک پروسیجرز کے نتائج زیادہ نمایاں یا مصنوعی محسوس ہو سکتے ہیں۔
بشریٰ انصاری نے آنکھوں کے کناروں کی جھریوں اور گردن کی جھریوں کے لیے بوٹوکس بھی کروایا۔ اس کے علاوہ بالوں کے پتلے ہونے کے مسئلے کے لیے آر ایف مائیکرونیڈلنگ ٹریٹمنٹ بھی کیا گیا۔