پاک افغان طورخم بارڈر کے راستے غیر قانونی طور پر مقیم افغان شہریوں کی وطن واپسی کا عمل بدستور جاری ہے جہاں مختلف ہولڈنگ سینٹرز اور کیمپوں سے ہزاروں افغان شہریوں کو افغانستان روانہ کیا جا رہا ہے۔
ذرائع کے مطابق گزشتہ روز مجموعی طور پر 3 ہزار 790 افغان شہری طورخم بارڈر کے ذریعے اپنے وطن واپس گئے۔ سب سے زیادہ ایک ہزار 834 افراد کو حمزہ بابا ہولڈنگ سینٹر، لنڈی کوتل سے افغانستان بھیجا گیا۔
اعداد و شمار کے مطابق جمعہ خان کیمپ سے 838، اضا خیل کیمپ سے 448، کوہاٹ کیمپ سے 329 جبکہ نوشہرہ کیمپ سے 171 افغان شہریوں کی وطن واپسی مکمل کی گئی۔
ذرائع نے بتایا کہ ناگمان کیمپ سے 135، ہری پور کیمپ سے 18، صوابی سے 8 اور ضلع خیبر کے علاقے جمرود سے 9 افغان شہریوں کو بھی طورخم بارڈر کے ذریعے افغانستان روانہ کیا گیا۔حکام کے مطابق غیر قانونی طور پر مقیم غیر ملکیوں کی وطن واپسی کا عمل حکومتی پالیسی کے تحت مرحلہ وار جاری ہے۔