کامرہ کے قریب نیشنل ہائی وے اینڈ موٹروے پولیس کے ایک سب انسپکٹر ڈمپر کی ٹکر سے جان کی بازی ہار گئے۔ واقعے میں شہید ہونے والے اہلکار کی شناخت جاوید شنواری کے نام سے ہوئی ہے جبکہ اس افسوسناک حادثے کی سی سی ٹی وی فوٹیج بھی منظرعام پر آگئی ہے۔
سامنے آنے والی فوٹیج میں دیکھا جا سکتا ہے کہ ڈیوٹی انجام دینے والے سب انسپکٹر کو ایک ڈمپر ٹکر مارتا ہے اور وہ اس کے نیچے آ جاتے ہیں۔ ویڈیو دیکھنے کے بعد یہ تاثر بھی سامنے آ رہا ہے کہ ڈرائیور نے گاڑی جان بوجھ کر اہلکار کی جانب موڑی، تاہم اس حوالے سے حکام کی جانب سے حتمی تصدیق نہیں کی گئی۔
فوٹیج میں حادثے کے فوراً بعد موٹروے پولیس اہلکاروں کو ڈمپر کا تعاقب کرتے ہوئے بھی دیکھا جا سکتا ہے جبکہ جائے وقوعہ پر ایک اور ڈمپر بھی موجود تھا۔
موٹروے پولیس کے مطابق واقعے کی تحقیقات جاری ہیں، ڈمپر کا ڈرائیور موقع سے فرار ہونے میں کامیاب ہوگیا تاہم گاڑی میں موجود ہیلپر کو حراست میں لے کر قانونی کارروائی شروع کر دی گئی ہے۔