صوبہ پنجاب کے ضلع رحیم یار خان کی تحصیل صادق آباد میں گھریلو تنازع کے بعد ایک خاتون نے مبینہ طور پر اپنے چار بچوں سمیت نہر میں چھلانگ لگا دی۔
ریسکیو حکام کے مطابق بروقت کارروائی کرتے ہوئے خاتون کو زندہ حالت میں نہر سے نکال لیا گیا، تاہم اس کے چاروں بچے تاحال لاپتا ہیں، جن کی تلاش کے لیے سرچ آپریشن جاری ہے۔
لاپتا بچوں کی شناخت 10 سالہ علی حسن، 7 سالہ طیبہ، 4 سالہ ایان اور 2 سالہ علی عمر کے نام سے ہوئی ہے۔
ریسکیو ٹیمیں اور غوطہ خور نہر میں بچوں کی تلاش میں مصروف ہیں، جبکہ واقعے کی وجوہات جاننے کے لیے مزید تحقیقات بھی جاری ہیں۔