سابق وزیراعظم آزاد کشمیر سردار تنویر الیاس کے قافلے پر مبینہ فائرنگ کا واقعہ پیش آیا ہے جس کے نتیجے میں ان کا ایک محافظ جاں بحق اور دیگر افراد زخمی ہوگئے ہیں۔
ڈی آئی جی آزاد کشمیر راجہ اکمل کے مطابق انہیں تنویر الیاس کے قافلے پر فائرنگ کی اطلاع ملی ہے، جبکہ سابق وزیراعظم کے ترجمان نے بھی ایک گارڈ کے جاں بحق اور دیگر کے زخمی ہونے کی تصدیق کی ہے۔
ڈی آئی جی کا کہنا ہے کہ واقعے کی مزید تحقیقات کی جا رہی ہیں اور قانون کو ہاتھ میں لینے والے عناصر کے خلاف سخت قانونی کارروائی عمل میں لائی جائے گی۔