محکمہ موسمیات نے 19 جولائی سے ملک کے مختلف علاقوں میں بارشوں کا نیا سلسلہ شروع ہونے کی پیش گوئی کرتے ہوئے کہا ہے کہ اس کے نتیجے میں گرمی اور حبس کی شدت میں کمی آنے کا امکان ہے۔
محکمہ موسمیات کے مطابق لاہور میں موجودہ درجہ حرارت 34 ڈگری سینٹی گریڈ ریکارڈ کیا گیا، جبکہ کم سے کم درجہ حرارت 32 اور زیادہ سے زیادہ 39 ڈگری سینٹی گریڈ تک رہنے کی توقع ہے۔ شہر میں آج 5 سے 30 فیصد تک بارش کا امکان ظاہر کیا گیا ہے۔ 6 کلومیٹر فی گھنٹہ کی رفتار سے ہوائیں چل رہی ہیں جبکہ ہوا میں نمی کا تناسب 58 فیصد ریکارڈ کیا گیا، جس کے باعث حبس کی کیفیت برقرار ہے۔
فضائی آلودگی کے حوالے سے لاہور بدستور دنیا کے آلودہ ترین شہروں میں شامل ہے۔ شہر عالمی درجہ بندی میں چھٹے نمبر پر موجود ہے، جبکہ فضائی آلودگی کا مجموعی انڈیکس 155 ریکارڈ کیا گیا ہے۔