وزیر تعلیم پنجاب رانا سکندر حیات نے ستمبر کے پہلے ہفتے سے اسکولوں میں خود تدریسی خدمات انجام دینے کا اعلان کیا ہے، جس کے تحت وہ انگلش اور کیمسٹری سمیت دیگر مضامین کی کلاسز لیں گے۔
انہوں نے بتایا کہ وہ لاہور کے اسکولوں سے اس کا آغاز کریں گے، جہاں پرائمری اسکولوں میں انگلش اور ہائی اسکولوں میں کیمسٹری پڑھائیں گے۔
وزیر تعلیم کے مطابق وہ ہر ہفتے کسی بھی اسکول میں بغیر کسی پیشگی اطلاع کے اچانک جائیں گے اور بچوں کو پڑھائیں گے۔
انہوں نے اساتذہ کے احترام کا اظہار کرتے ہوئے کہا کہ وہ استاد بن کر فخر محسوس کریں گے اور اس اقدام کا بنیادی مقصد تعلیمی معیار کو پرکھنا اور تدریسی عمل میں موجود کمزوریوں کو دور کرنا ہے۔