حکومت پنجاب نے بیرسٹر ظفر اللہ خان کو ایڈووکیٹ جنرل پنجاب تعینات کردیا ہے۔
گورنر پنجاب کی منظوری کے بعد محکمہ قانون و پارلیمانی امور حکومتِ پنجاب نے ان کی تقرری کا باضابطہ نوٹیفکیشن جاری کردیا۔
یاد رہے کہ سابق ایڈووکیٹ جنرل پنجاب امجد پرویز کے لاہور ہائی کورٹ کے جج مقرر ہونے کے بعد ان کا استعفیٰ منظور کرلیا گیا تھا، جس کے بعد یہ اہم آئینی عہدہ خالی ہوگیا تھا۔ حکومت نے اس خالی اسامی پر بیرسٹر ظفر اللہ خان کی تقرری کرتے ہوئے نوٹیفکیشن جاری کردیا ہے۔