نیشنل اسٹریٹجک کمانڈ کے نئے کمانڈر لیفٹیننٹ جنرل سید عامر رضا کو عہدہ سنبھالنے پر گارڈ آف آنر پیش کیا گیا۔
پاک فوج کے شعبہ تعلقات عامہ (آئی ایس پی آر) کے مطابق لیفٹیننٹ جنرل سید عامر رضا نے یادگارِ شہداء پر حاضری دی، پھولوں کی چادر چڑھائی اور ملکی سلامتی کے لیے جانوں کا نذرانہ پیش کرنے والے شہداء کے درجات کی بلندی کے لیے فاتحہ خوانی کی۔
بعد ازاں نیشنل اسٹریٹجک کمانڈ کے کمانڈر نے جنرل ہیڈکوارٹرز (جی ایچ کیو) میں چیف آف آرمی اسٹاف و چیف آف ڈیفنس فورسز فیلڈ مارشل سید عاصم منیر سے ملاقات کی۔
اس موقع پر فیلڈ مارشل سید عاصم منیر نے لیفٹیننٹ جنرل سید عامر رضا کو نئی ذمہ داریاں سنبھالنے پر مبارکباد دی اور ان کے لیے نیک تمناؤں کا اظہار کیا۔