تھائی لینڈ میں ایک ہائی سکول کے طالب علم نے فائرنگ کر کے اپنے دادا دادی، اساتذہ اور طلبا سمیت 8 افراد کو ہلاک جبکہ 30 افراد کو زخمی کر دیا۔
پولیس کے مطابق طالب علم نے پہلے اپنے گھر میں دادا کے پستول سے فائرنگ کی، جس کے بعد وہ سکول پہنچا اور مبینہ طور پر پہلے سے تیار کیے گئے منصوبے کے تحت اندھا دھند فائرنگ شروع کر دی۔ فائرنگ کے باعث سکول میں شدید خوف و ہراس پھیل گیا۔
حکام کا کہنا ہے کہ حملہ آور طالب علم بھی واقعے کے دوران موقع پر ہی ہلاک ہوگیا۔
تھائی لینڈ کے وزیرِ اعظم نے واقعے کی تصدیق کرتے ہوئے بتایا کہ ابتدائی معلومات کے مطابق ملزم شدید ذہنی دباؤ کا شکار تھا۔ پولیس نے واقعے کی تحقیقات شروع کر دی ہیں تاکہ حملے کے تمام پہلوؤں کا جائزہ لیا جاسکے۔