رواں سال کا دوسرا اور آخری سورج گرہن آج ہوگا، تاہم پاکستان میں اس کا مشاہدہ نہیں کیا جاسکے گا۔
محکمہ موسمیات کے مطابق سورج گرہن پاکستانی وقت کے مطابق رات 8 بج کر 34 منٹ پر شروع ہوگا، رات 10 بج کر 46 منٹ پر عروج پر پہنچے گا اور رات 12 بج کر 58 منٹ پر مکمل طور پر ختم ہوجائے گا۔
عرب میڈیا کے مطابق یورپ کے مختلف ممالک میں مکمل اور جزوی سورج گرہن دیکھا جائے گا جبکہ افریقا، کینیڈا اور امریکا کے بعض علاقوں میں بھی جزوی گرہن ہوگا۔ پاکستان میں 28 اگست کو ہونے والا جزوی چاند گرہن بھی نظر نہیں آئے گا۔