ترکیے کا ایف 16 لڑاکا طیارہ شمال مغربی صوبے یالووا میں معمول کی تربیتی پرواز کے دوران حادثے کا شکار ہوکر تباہ ہوگیا۔
ترکیے کی وزارتِ دفاع کے مطابق فضائیہ کا طیارہ تربیتی مشن پر تھا کہ دورانِ پرواز گر کر تباہ ہوگیا۔ طیارے میں موجود پائلٹ نے بروقت ایجیکٹ کرکے اپنی جان بچالی، جبکہ حادثے میں کوئی جانی نقصان نہیں ہوا۔
حکام کا کہنا ہے کہ طیارہ حادثے کی فوری طور پر کوئی وجہ سامنے نہیں آسکی، تاہم واقعے کی تحقیقات شروع کردی گئی ہیں تاکہ حادثے کی اصل وجوہات کا تعین کیا جاسکے۔