لاہور سے تعلق رکھنے والے جی سی یونیورسٹی کے طالب علم اور فیلکن ٹرائیتھلون کلب کے رکن فیضان احمد نے لاہور سے اسکردو تک کا 1100 کلومیٹر طویل رننگ چیلنج 22 روز میں مکمل کرلیا ہے۔
اس سفر کے دوران انہوں نے پنجاب کے میدانی علاقوں سے لے کر خیبر پختونخوا اور گلگت بلتستان کے دشوار گزار پہاڑی علاقوں تک دوڑتے ہوئے مختلف جغرافیائی اور موسمی حالات کا سامنا کیا۔
ان کے اس روٹ میں ناران، بابوسر ٹاپ، چلاس اور رائے کوٹ جیسے مشکل مقامات شامل تھے جہاں انہیں طویل فاصلوں، مسلسل چڑھائیوں اور بدلتے موسم کا سامنا کرنا پڑا۔
فیضان احمد نے اپنا یہ چیلنج پاکستان کی مسلح افواج اور پولیس کے شہدا کے نام کیا اور راستے میں منشیات کے استعمال کے خلاف آگاہی کا پیغام بھی اجاگر کیا۔