انگولا میں منعقدہ انٹرنیشنل مکسڈ مارشل آرٹس فیڈریشن (آئی ایم ایم اے ایف) ورلڈ کپ میں پاکستان کی منیشہ علی نے شاندار کارکردگی کا مظاہرہ کرتے ہوئے ملک کے لیے گولڈ میڈل جیت لیا۔
دنیا کی 15 ٹاپ رینکڈ ٹیموں پر مشتمل اس عالمی مقابلے کے فائنل میں گلگت بلتستان سے تعلق رکھنے والی منیشہ علی نے ہوم گراؤنڈ پر انگولا کی دو مرتبہ کی افریقی چیمپئن فائٹر کو دوسرے ہی راؤنڈ میں اسٹینڈنگ گِلّوٹین کے ذریعے مات دے کر پاکستان کا پرچم بلند کر دیا۔