سیکیورٹی فورسز نے بلوچستان کے علاقے دشت میرانی میں بروقت کارروائی کرتے ہوئے انسانی اسمگلنگ کے ذریعے غیر قانونی طور پر بیرون ملک جانے کی کوشش ناکام بنا دی۔
سیکیورٹی ذرائع کے مطابق کارروائی کے دوران خواتین اور بچوں سمیت 58 غیر قانونی افغان باشندوں کو حراست میں لیا گیا۔ حراست میں لیے گئے افراد انسانی اسمگلروں کے ذریعے پاکستان سے ایران اور بعد ازاں یورپ جانے کی کوشش کر رہے تھے۔
ذرائع کے مطابق گرفتار افغان باشندوں کو مزید قانونی کارروائی کے لیے متعلقہ پولیس حکام کے حوالے کر دیا گیا ہے۔
سیکیورٹی ذرائع کا کہنا ہے کہ سرحدی علاقوں میں انسانی اسمگلنگ اور غیر قانونی نقل و حرکت کی روک تھام کے لیے کارروائیاں جاری ہیں، جبکہ سیکیورٹی فورسز قانون کی عملداری یقینی بنانے کے لیے مؤثر اقدامات کر رہی ہیں۔