جاپان کے شہر ایچی ناگویا میں جاری 20 ویں ایشین گیمز کے مردوں کے کبڈی ایونٹ کے پول 'بی' کے میچ میں پاکستان نے شاندار کارکردگی کا مظاہرہ کرتے ہوئے ملائیشیا کو 22 کے مقابلے میں 65 پوائنٹس کے واضح فرق سے شکست دے دی۔
میچ کے آغاز سے ہی پاکستانی کھلاڑیوں نے مقابلے پر مکمل گرفت برقرار رکھی اور شاندار ریڈنگ اور ٹیکلنگ کے ذریعے مسلسل پوائنٹس حاصل کیے۔
ملائیشیا کی ٹیم پاکستان کے جارحانہ کھیل کے سامنے شدید مشکلات کا شکار نظر آئی اور پورے میچ میں واپسی نہ کر سکی۔ پاکستان نے پہلے اور دوسرے دونوں ہافز میں برتری قائم رکھتے ہوئے بالآخر 65-22 کے بڑے مارجن سے کامیابی اپنے نام کر لی۔
اس شاندار اور ایک طرفہ فتح کے ساتھ ہی ٹیم پاکستان نے ایشین گیمز کے کبڈی ایونٹ میں اپنی پیش قدمی مضبوط کرلی ہے۔