وزیراعظم شہباز شریف نے کہا ہے کہ پاکستان کی مکمل توجہ ایران جنگ کے خاتمے اور کشیدگی میں کمی کے لیے ثالثی کی کوششوں پر مرکوز ہے۔
اقوام متحدہ کی جنرل اسمبلی کے اجلاس کے موقع پر میڈیا سے گفتگو کرتے ہوئے وزیراعظم نے کہا کہ پاکستان ایران اور امریکا کے درمیان مخلص اور دیانت دار ثالث کا کردار ادا کر رہا ہے۔
شہباز شریف نے کہا کہ پاکستان نے امید نہیں چھوڑی اور کشیدگی میں کمی اور پیش رفت کے لیے پُرعزم ہے جبکہ تمام دوست ممالک بھی امن کے حصول کے لیے کوششیں کر رہے ہیں۔