مسلم لیگ (ن) کے نامزد امیدوار ڈاکٹر نجیب نقی آزاد جموں و کشمیر کے 25ویں صدر منتخب ہوگئے۔ صدارتی انتخاب میں انہوں نے 32 ووٹ حاصل کیے جبکہ پاکستان پیپلز پارٹی کے امیدوار چوہدری لطیف اکبر کو 13 ووٹ ملے۔
آزاد جموں و کشمیر قانون ساز اسمبلی میں پولنگ صبح 11 بجے شروع ہوئی اور دوپہر ایک بجے مکمل ہوئی۔ مجموعی طور پر 45 ووٹ ڈالے گئے۔
ڈاکٹر نجیب نقی کا تعلق پونچھ ڈویژن کے سدھنوتی، پلندری سے ہے۔ وہ 2006 سے 2011 تک آزاد کشمیر کے وزیر صحت رہے جبکہ 2016 سے 2021 تک مسلم لیگ (ن) کی حکومت میں بھی وزیر صحت کے فرائض انجام دے چکے ہیں۔