آئی ایم ایف پروگرام کی شرائط پر عملدرآمد کے لیے حکومت کو پارلیمنٹ میں مجموعی طور پر 174 قانونی ترامیم منظور کرانا ہوں گی۔
قومی اسمبلی کی قائمہ کمیٹی برائے خزانہ کے اجلاس میں سیکرٹری خزانہ امداد اللہ بوسال نے آئی ایم ایف پروگرام اور آئندہ قسط سے متعلق بریفنگ دی۔ انہوں نے بتایا کہ ترامیم میں ٹیکس، توانائی، نجکاری، خودمختار دولت فنڈ، چینی پالیسی، اسلامی بینکاری اور مالیاتی استحکام سمیت مختلف شعبے شامل ہیں۔
اجلاس میں ڈسکوز کی نجکاری، پی آئی اے کے 75 فیصد حصص، کفایت شعاری اور ٹیکس و توانائی اصلاحات پر پارلیمانی نگرانی مزید سخت کرنے کی تجاویز بھی زیرِ غور آئیں۔