ایشین گیمز کے اسکواش ایونٹ میں پاکستان کے محمد عرفان نے شاندار کارکردگی کا مظاہرہ کرتے ہوئے سیمی فائنل کے لیے کوالیفائی کرلیا ہے۔
کوارٹر فائنل میں محمد عرفان کا مقابلہ بھارتی کھلاڑی ویر چوترانی سے ہوا، جس میں انہوں نے حریف کو ایک کے مقابلے میں تین گیمز سے شکست دی۔
اس اہم کامیابی کے بعد وہ سیمی فائنل میں پہنچ گئے ہیں، جس سے ایونٹ کے اسکواش کے شعبے میں پاکستان کی میڈل حاصل کرنے کی امیدیں بحال اور برقرار ہیں۔