پاکستان قومی فٹبال ٹیم فیفا آسیان کپ میں تھائی لینڈ کے خلاف اپنے پہلے میچ کی تیاریوں میں مصروف ہے، جس میں ہیڈ کوچ نولبرٹو سولانو اور کپتان عبداللہ اقبال نے بہترین کارکردگی دکھانے کا عزم ظاہر کیا ہے۔
پاکستان کی مردوں کی فٹبال ٹیم کا کسی سرکاری فیفا ٹورنامنٹ میں یہ پہلا میچ ہوگا۔ ہیڈ کوچ نولبرٹو سولانو نے پری میچ پریس کانفرنس میں کہا کہ ان کی ٹیم تھائی لینڈ، فلپائن اور ویتنام جیسی اعلیٰ درجہ بندی والی ٹیموں کے خلاف کھیل کر اپنی صلاحیتوں کا امتحان لینا چاہتی ہے۔ انہوں نے اعتراف کیا کہ ایشیائی فٹبال مسلسل بہتر ہو رہی ہے اور یہ ٹورنامنٹ پاکستان کے لیے ایک بڑا چیلنج ثابت ہوگا، لیکن ٹیم تدریجی ترقی کی راہ پر گامزن ہے۔
کپتان عبداللہ اقبال نے اس ٹورنامنٹ کو بہترین موقع قرار دیتے ہوئے کہا کہ کھلاڑی اعلیٰ سطح کی ٹیموں کا مقابلہ کرنے اور میدان میں اپنا بہترین مظاہرہ کرنے کے لیے تیار ہیں۔
پاکستان کی ٹیم جون میں مالدیپ میں ڈائمنڈ جوبلی انٹرنیشنل ٹورنامنٹ جیت کر اس ایونٹ میں اتر رہی ہے، جو گزشتہ 74 سال میں ان کا پہلا انفرادی فٹبال ٹائٹل تھا۔ پریس کانفرنس سے قبل پاکستان نے آفیشل ٹریننگ سیشن میں حصہ لیا، جس میں آذربائیجان میں مقیم مدافع عیسیٰ سلیمان بھی ٹیم کے ساتھ شامل ہوگئے۔ پاکستان اور تھائی لینڈ کے درمیان یہ میچ ہفتے کے روز پاکستانی وقت کے مطابق شام 4:00 بجے کھیلا جائے گا۔