جاپان میں جاری ایشین گیمز کے ہاکی ایونٹ میں ملائیشیا نے پاکستان کو سنسنی خیز مقابلے کے بعد 5-4 سے شکست دے دی۔
گروپ بی کے میچ میں تیسرے کوارٹر تک دونوں ٹیمیں 3-3 سے برابر تھیں۔ چوتھے کوارٹر میں سفیان خان نے گول کرکے پاکستان کو 4-3 کی برتری دلائی، تاہم آخری 5 منٹ میں ملائیشیا نے 2 گول کرکے میچ اپنے نام کرلیا۔
پاکستان کے چاروں گول سفیان خان نے کیے۔ ملائیشیا گروپ بی میں پہلی جبکہ پاکستان دوسری پوزیشن پر ہے۔ پاکستان اپنا آخری گروپ میچ عمان کے خلاف کھیلے گا۔