اسلام آباد اور راولپنڈی میں صبح سویرے موسلادھار بارش سے موسم سرد ہوگیا، تیز ہواؤں کے ساتھ بادلوں کا راج برقرار ہے، جبکہ مختلف علاقوں میں اب تک 22 ملی میٹر بارش ریکارڈ کی گئی ہے۔
محکمہ موسمیات کے مطابق سیدپور میں 30 ملی میٹر، شمس آباد اور گوالمنڈی میں 26، 26 ملی میٹر، پیرودھائی میں 25، گولڑہ میں 20، بوکڑہ میں 19 جبکہ کچہری میں 14 ملی میٹر بارش ریکارڈ کی گئی۔
موسلادھار بارش کے باعث نالہ لئی میں پانی کی سطح بھی بلند ہونے لگی ہے، کٹاریاں کے مقام پر پانی کی سطح 10 فٹ جبکہ گوالمنڈی میں ساڑھے 9 فٹ تک پہنچ گئی ہے۔
بارش کے باعث نشیبی علاقوں میں پانی جمع ہونے سے شہریوں کو مشکلات کا سامنا ہے، جبکہ متعلقہ اداروں کی جانب سے صورتحال کی نگرانی جاری ہے۔