کرکٹ آسٹریلیا کے چیئرمین مائیک بیئرڈ نے اپنے عہدے سے سبکدوش ہونے کا فیصلہ کرلیا ہے۔
وہ 28 اکتوبر کو ہونے والی سالانہ جنرل میٹنگ (AGM) کے دوران باضابطہ طور پر چیئرمین شپ چھوڑ دیں گے۔ مائیک بیئرڈ گزشتہ 6 سال سے کرکٹ آسٹریلیا کے بورڈ کے رکن رہے اور وہ فروری 2023 میں بورڈ کے چیئرمین مقرر ہوئے تھے۔
کرکٹ آسٹریلیا کی جانب سے اعلان کیا گیا ہے کہ سابق آسٹریلوی ٹیسٹ بیٹر ڈیوڈ بون کو عبوری چیئرمین مقرر کردیا گیا ہے۔
ڈیوڈ بون مستقل چیئرمین کی تقرری تک قائم مقام چیئرمین کے طور پر اپنی ذمہ داریاں انجام دیں گے۔ ترجمان کرکٹ آسٹریلیا کے مطابق بورڈ آنے والے مہینوں میں مستقل چیئرمین کے انتخاب کے لیے باضابطہ عمل مکمل کرے گا۔