جاپان کے شہر ایچی ناگویا میں جاری 20 ویں ایشین گیمز 2026 کے والی بال مینز پریلیمنری راؤنڈ کے اہم مقابلے میں پاکستان نے شاندار کارکردگی کا مظاہرہ کرتے ہوئے ازبکستان کی ٹیم کو یکطرفہ مقابلے کے بعد 3-0 سے شکست دے دی ہے۔
میچ میں قومی وال بال ٹیم نے شروع ہی سے جارحانہ انداز اپنایا اور بہترین سروسز، بلاکنگ اور اٹیکنگ کا مظاہرہ کرتے ہوئے حریف ٹیم کو سنبھلنے کا موقع نہ دیا۔
پاکستان نے مسلسل تینوں سیٹس میں اپنی برتری برقرار رکھتے ہوئے میچ میں کامیابی حاصل کی اور ٹورنامنٹ میں پیش قدمی جاری رکھی۔
اس شاندار کامیابی کے ساتھ ایشین گیمز میں پاکستان کی وال بال مہم کامیابی سے آگے بڑھ رہی ہے اور ٹیم کی اس مسلسل بہترین کارکردگی سے آٹھویں راؤنڈ میں پہنچنے کے امکانات مزید روشن ہوگئے ہیں۔