عزمِ استحکام ویژن کے تحت خیبرپختونخوا میں دہشتگردوں کے خلاف سیکیورٹی فورسز کی کارروائیاں جاری ہیں، باڑہ کے علاقے میں انٹیلی جنس بیسڈ آپریشن کے دوران فتنہ الخوارج کے 5 دہشتگرد ہلاک ہوگئے۔
سیکیورٹی ذرائع کے مطابق سیکیورٹی فورسز نے باڑہ کے علاقے میں خفیہ اطلاع پر کارروائی کی جس کے دوران فتنہ الخوارج سے تعلق رکھنے والے 5 دہشتگرد مارے گئے۔
ذرائع کا کہنا ہے کہ ہلاک دہشتگردوں کے قبضے سے بھاری مقدار میں اسلحہ اور گولہ بارود برآمد ہوا، جبکہ کارروائی کے دوران دہشتگردوں کے ٹھکانوں کو بھی تباہ کردیا گیا۔
سیکیورٹی فورسز نے ملک سے دہشتگردی کے مکمل خاتمے اور پائیدار امن کے قیام کے عزم کا اعادہ کیا ہے۔