پاکستان ویمنز انڈر 19 کرکٹ ٹیم نے اقبال اسٹیڈیم فیصل آباد میں جاری ٹریننگ سیشن کے دوران اپنی تیاریاں تیز کردی ہیں۔
سیشن میں کھلاڑیوں نے کوچز کی زیرِ نگرانی بیٹنگ، بولنگ اور فیلڈنگ کی مختلف مشقوں میں حصہ لیا اور فٹنس و تکنیکی مہارتوں کو بہتر بنانے پر کام کیا۔
اقبال اسٹیڈیم فیصل آباد میں 2 سے 16 اکتوبر تک پاکستان، بنگلا دیش اور سری لنکا کی انڈر 19 ویمنز ٹیموں کے درمیان ٹی ٹوئنٹی تین ملکی سیریز کھیلی جائے گی۔
اس ٹورنامنٹ کا باقاعدہ افتتاح 2 اکتوبر کو ہوگا، جہاں افتتاحی میچ میں میزبان پاکستان اور بنگلا دیش کی ویمنز انڈر 19 ٹیمیں آمنے سامنے ہوں گی۔