وزیرِ دفاع خواجہ آصف نے واضح الفاظ میں اعلان کیا ہے کہ حوثیوں یا کسی بھی دوسرے ملک کی جانب سے سعودی عرب پر جارحیت کی صورت میں پاکستان سعودی عرب کے دفاع کے لیے اپنے تمام دستیاب وسائل کے ساتھ میدان میں آئے گا۔
انہوں نے زور دے کر کہا کہ سعودی عرب کا دشمن دراصل پاکستان کا دشمن ہے اور اگر سعودی عرب کی سیکیورٹی یا سلامتی کو کوئی بھی چیلنج پیش آیا تو پاکستان ہر قسم کی کشیدگی میں اپنے بھائی سعودی عرب کی مکمل امداد اور دفاع کے لیے ہر وقت موجود رہے گا۔