وزیرِ بحری امور جنید انوار چوہدری سے ایکسپورٹرز کے وفد نے ملاقات کی جس میں خطے کی صورتحال کے باعث شپنگ روٹس میں درپیش مسائل اور برآمدی اخراجات میں اضافے پر گفتگو کی گئی۔
ایکسپورٹرز نے بتایا کہ شپنگ روٹس طویل ہونے سے برآمدی لاگت بڑھ گئی ہے۔ وزیرِ بحری امور نے مسائل کے حل کے لیے وزارتِ بحری امور، پی این ایس سی اور ایکسپورٹرز پر مشتمل ورکنگ گروپ قائم کردیا۔
جنید انوار چوہدری نے کہا کہ برآمدات کے لیے کنٹینر جہاز لیز یا خریدنے کا آپشن زیرِ غور لایا جاسکتا ہے تاہم اس کے لیے مطلوبہ کارگو کی دستیابی یقینی بنانا ہوگی۔ انہوں نے ایکسپورٹرز کو اپنی تجاویز ورکنگ گروپ کے سامنے پیش کرنے کی ہدایت بھی کی۔