ڈائریکٹر جنرل انٹر سروسز پبلک ریلیشنز (آئی ایس پی آر) لیفٹیننٹ جنرل احمد شریف چوہدری آج شام 5 بجے راولپنڈی میں اہم پریس کانفرنس کریں گے۔
پریس کانفرنس میں ڈی جی آئی ایس پی آر ملکی سکیورٹی صورتحال، حالیہ واقعات اور قومی سلامتی سے متعلق امور پر میڈیا کو بریفنگ دیں گے۔
واضح رہے کہ لیفٹیننٹ جنرل احمد شریف چوہدری نے آج فاطمہ جناح ویمن یونیورسٹی راولپنڈی میں طالبات اور فیکلٹی ممبران سے خصوصی نشست بھی کی، جس میں قومی امور، سیکیورٹی صورتحال اور ڈیجیٹل میڈیا کے چیلنجز پر سوالات کے جوابات دیے گئے۔