وزیراعظم شہباز شریف نے سعودی عرب پر حوثی ملیشیا کے حملوں کی شدید مذمت کرتے ہوئے سعودی عرب کی سلامتی اور خودمختاری کے تحفظ کے عزم کا اعادہ کیا ہے۔
وزیراعظم نے ریاض اور ابہا ایئرپورٹس کو نشانہ بنانے اور حملوں میں شہریوں کی ہلاکتوں و زخمی ہونے پر افسوس کا اظہار کیا۔ انہوں نے سعودی افواج اور اتحادی فورسز کی کارکردگی کو سراہا۔
شہباز شریف نے کہا کہ پاکستان مکہ جوائنٹ ڈیفنس معاہدے کے تحت سعودی عرب کی علاقائی سالمیت کے تحفظ کے لیے اس کی قیادت اور عوام کے ساتھ کھڑا ہے۔ انہوں نے حوثی ملیشیا سے فوری طور پر حملے بند کرنے کا مطالبہ بھی کیا۔
دوسری جانب سعودی سول ایوی ایشن اتھارٹی کے مطابق کنگ خالد اور ابہا انٹرنیشنل ایئرپورٹس پر حملوں میں 3 افراد جاں بحق اور 36 زخمی ہوئے۔